Impakta

Malakas ang topak ko kanina
siguro time of the month
pwede rin sa init
pwede rin sa wala-lang-may-toyo
day-lang-ako ngayon.

Nainis ako dahil yung katabi
ko sa dyip ginitgit ako sa estribo.

Hello! Ale na may dalang tyanak!
Pang-pituhan po yung upuan!
Yung isang pasahero na sa may driver
at ako nasa may estribo nakaupo.

Merong pang limang pwesto
na pwedeng pagpilian!
At sana pag-umupo hindi pahalang
kasi sakop ng pwet mo 3 kapag
nakatabingi ka!

At sana din yung siko mo
di nakatungtong sa bilbil
ko na para lang armchair
ang kapwa pasahero!

Ang pangalawang kinainisan
ko e nung kumain ako sa mcdo.
kutsara na lang ang inaantay
nung naunang customer pero
ayaw pa niyang gumilid.

Kinukuha na ang order ko
kailangan ko pang isagaw
over her head yung extra fries.

Tiningnan ko siya,
pero sa liit niya di niya ko napansin.
Patuloy pa rin siya sa pagharang
sa communication session
namin nung cashier.

Nabwisit nako,
sinabihan ko na siya ng
"Excuse me? Do you mind?"
Lo and behold,
classmate ko pala ang gaga
nung haiskul at ang mas
maganda nun di ko na
alam ang name niya.

Ngiti na lang ako...
ngiting aso...
plus nanlilisik na mata at...
itim na puso...
*makuha ka sa tingin*

Talagang iritable ako this day,
naisip ko pa pag sumasakay
ako sa bus, ayokong-ayoko
na may uupo sa harap ko
na may mahabang nakaladlad
na buhok na hinahangin pa.

I dont eat hair,
wala akong ganung disorder...
Pweh! Pakitali lang ang buhok
dahil di rin ako nakain
ng kuto at balakubak.

Maselan akong ewan.
Pero ang nasa isip ko lang
di ako ganun sa iba kaya
sana yung iba maisip man lang
ang golden rule...